سەرپەرشتیاری تیمی ڕوبەڕوبوونەوەی کۆرۆنا لە سلێمانی هۆشداری دەدات لە بەرزبوونەوەی ئامارەکانی توشبوون بە کۆرۆنا و دەبێت هاوڵاتییان زیاتر وریا بن.
هێرش حەیدەر، سەرپەرشتیاری تیمی ڕوبەڕوبوونەوەی کۆرۆنا لە سلێمانی ڕایگەیاند، ” ڕێژەی توشبوون بە ڤایرۆسی کۆرۆنا لە ماوەی مانگێکدا بەڕێژەیەکی بەرچاو زیادی کردووە، بۆ نموونە، لە 13/2ی ئەمساڵدا 10 نەخۆش مابويه وه لە نەخۆشخانەی شەهید د. هێمن، بەڵام ئەمڕۆ 15/3 ژمارەکە بەرز بۆتەوە بۆ چل نەخۆش”.
هێرش حەیدەر ڕاشیگەیاندووە، ” ته نها دوێنێ 12 حاڵەتى سەخت هێنراونەتە نەخۆشخانە بۆیە تکایە لەگەڵ دەرکەوتنی نیشانەکان لە 10 ڕۆژی سەرەتادا پێویستە بە زووترین کات سەردانی پزیشکی پسپۆڕی هەناوی یان سەنتەرەکانی چارەسەری کۆرۆنا بکرێت”.
هۆشدارییەکەی تەندروستیی سلێمانی لە کاتێکدایە ئەمڕۆ ئامارەکانی توشبوون بە ڤایرۆسی کۆرۆنا بەپێی ئەوەی وەزارەتی تەندروستیی بڵاویکردووەتەوە بەڕێژەیەکی بەرچاو بەرزبووەتەوە.
