ئەمشەو، یەکشەممە لە چوارچێوەی ڕوبەڕوبوونەوەکانی هەفتەی 27ی خولی پلە یەکی ئیتاڵیا، یانەی یوڤانتۆس بردنەوەیەکی گەورەی بەرانبەر کالیەری تۆمارکرد.
یوڤانتۆس لە سردینیا ئارینا بووە میوانی کالیەری و یاری نێوانیان بە ئەنجامی سێ گۆڵی بێوەڵام لە بەرژەوەندی کوڕانی پێرلۆ کۆتاییهات.
گۆڵەکانی بیانکۆنێری لە خولەکەکانی 10 و 25 و 32ی تایمی یەکەم لەلایەن و کریستیانۆ ڕۆناڵدۆوە تۆمارکران.
بەپێی ئەنجامە تۆمارکراوەکە، یوڤی ژمارەی خاڵەکانی لە کۆی 26 یاری وەرزی 2020/2021 گەیاندە 55 و لە پلەی سێیەمی ڕیزبەندی یانەکانی کالچیۆ بە جیاوازی خاڵێك لەدوای یانەی میلانەوە جێگیربوو، لە بەرامبەردا یانەی کالیەری بە22 خاڵەوە لە پلەی 17دا خۆی گرتەوە.
یوڤانتۆس لەم وەرزەدا 16 بردنەوە و حەوت یەکسانبوون و سێ دۆڕاندنی تۆمارکردووە، 50 گۆڵیان تۆمارکردووە و 30 گۆڵیان لەسەر تۆمارکراوە.
لەسەر ئاستی گۆڵکارانی کالچیۆ، بە تۆمارکردنی هاتریک کریستیانۆ ڕێژەی گۆڵەکانی بۆ (23) گۆڵ لە لوتکەی ڕیزبەندی گۆڵکارانی کالچیۆ زیادکرد،
