لە قۆناغی (16)ی خوولی یانە پاڵەوانەکان، یانەکانی ڕیاڵ مەدرید و پاریس سان جێرمان ڕووبەڕوودەبنەوە و نرخی پێکهاتەی هەردوو یانە بەیەکەوە نزیکی دوو ملیار یورۆ دەبێت.
بەپێی داتاکانی ترانسفێر مارکت، نرخی پێکهاتەکانی ڕیاڵ مەدرید و پاریس سان جێرمان بەیەکەوە ملیارێک و 736 ملیۆن یورۆیە، 990.20 ملیۆن یورۆ بەر پێکهاتەی یانە فەرەنسییەکە دەکەوێت، بڕی 746 ملیۆنیش بەر پێکهاتەی یانەی ڕیاڵ مەدرید دەکەوێت،
بەرزیی نرخی پێکهاتەی پاریس بۆ کڕینی هەریەک لە لیۆ مێسی و ئەشرەف حەکیمی و جیانلویجی دۆناروما دەگەڕێتەوە لە هاوینی 2021.
لەسەر ئاستی تاکە کەسی، کیلیان مباپێ (160 ملیۆن)، نێیمار (100 ملیۆن)، مێسی (80 ملیۆن)، وەک گرانبەهاترین یاریزانانی یانە فەرەنسییەکە دەستنیشاندەکرێن، لە پێکهاتەی مێرەنگی کاسیمێرۆ (70 ملیۆن)، فیدی ڤاڵڤێردی (65 ملیۆن)، تیبۆ کۆرتوا (60 ملیۆن) وەک گرانبەهاترینەکان ناودەبرێن.
