وەزارەتی دەرەوەی ئێران پێشنیاری هەڵگرتنی ڤیزای لە نێوان وڵاتەکەی و عێراق کردووە و ئەو پرسە چووەتە بەردەم حکومەت بۆ بڕیاردان لەسەری.
ئاژانسی هەواڵی ئیرنای ئێرانی ڕایگەیاندووە، “ئێستا پێشنیارەکەی وەزارەتی دەرەوەی ئێران گەیشتووەتە بەردەم حکومەت و لیژنەیەک دوای لێکۆڵینەوە لە کاریگەرییەکانی هەڵگرتنی ڤیزا بڕیار دەدات”.
بەپێی زانیارییەکانی ئاژانسەکە ئێران لەگەڵ ئەوەدایە کە ڤیزا لاببرێت، بەڵام دەبێت یەکلاییکردنەوەی پرسی کۆرۆناش تەوەرێکی دیکەی ئەو بڕیارە بێت.
پێشتر ئێران و عێراق چەندجارێک هەڵگرتنی ڤیزایان لە نێوانیاندا ڕاگەیاندووە، بەڵام ساڵی ڕابردوو بەهۆی بڵاوبوونەوەی ڤایرۆسی کۆرۆنا بڕیارەکە هەڵوەشایەوە.
