كاروانێكی ئۆتۆمبێلە سەربازییەكانی هاوپەیمانان لە ڕێی هەرێمەوە عێراق-یان بەرەو سوریا بەجێهێشتووە، وەك میدیایەكی ڕوسی ئاشكرایكردووە.
بەگوێرەی پێگەی ئاڕ تی-ی ڕوسی، ئەمڕۆ شەممە 13ی ئازار، كاروانێكی ئۆتۆمبێلەكانی هاوپەیمانان كە لە 45 بارهەڵگری سەربازی پێكهاتوون لەڕێی هەرێمی كوردستانەوە عێراق-یان بەرەو سوریا بەجێهێشتووە.
بەگوێرەی زانیارییەكانی ئەو میدیای ڕوسیە، ئەو بارهەڵگرانە كەلوپەل و ئۆتۆمبێلی سەربازی و تانكەری سوتەمەنیان هەڵگرتووە.
ئەوەش ئاشكراكراوە، ئەو كاروانە لە ڕێگای نێودەوڵەتی M4ەوە بەرەو دێرزۆر و حەسەكە ڕۆشتوون، كە چەند پێگەیەكی سەربازییان لێیە.
