ئەندامێكی ئەنجومەنی نوێنەرانی عێراق رایدەگەیەنێت، هەرێمی كوردستان ئامادەیە تەنها نیوەی داهاتی دەروازەكان و باج بداتە بەغداد و وەزارەتی دارایی عێراقیش بەو پێشنیازە رازی نییە و بۆ ئەو مەبەستەش وەزارەتی دارایی عێراق نووسراوێك ئاراستەی حكومەتی هەرێم دەكات.
سۆران عومەر ئەندامی ئەنجومەنی نوێنەرانی عێراق رایگەیاند، رادەستكردنی داهاتی ناوخۆی هەرێم بەوجۆرەی هەرێمی كوردستان دەیڵێت “نیوەی داهاتی دەروازە سنوورییەكان و باج بەپێی یاسای بودجە و یاسای ئیدارەی مالی وەزارەتی دارایی عێراق رەتیكردووەتەوە و ئاشکراشیکردووە که هەرێم هیچ داهاتێكی ناوخۆی نەخستووەتە سەر هەژماری وەزارەتی دارایی عێراق”.
لەسەر هەمان بابەتیش وەزارەتی دارایی عێراق نووسراوێكی ئاراستەی حكومەتی هەرێم كردووە.
