ئاسایشی ڕاپەڕین ڕاگەیاند، لە دوو چالاكیی جیاوازدا توانیویانە پێنج كەس دەستگیر بكەن بە زیاتر لە 3 كیلۆ مادەی هۆشبەرەوە.
لە بەشێكی دیكەی ڕاگەیەندراوەكەی ئاسایشی ڕاپەرین هاتووە، “لەلایەكی دیكەوە ئاسایشی قەڵادزێ لە هەوڵێكی دیكەدا لەگەڵ ئاسایشی ئیسێوە توانیویانە دوو كەس دەستگیر بكەن كە یەك كیلۆ و 100 گرام مادەی هۆشبەریان لەجۆری كریستاڵ پێبووە”.
تۆمەتبارانی هەردوو چالاكییەكەی ئاسایش پەڕاوی لێكۆڵینەوەیان بۆ كراوەتەوە بە مادەی 14ی یاسای سزادانی عێراقی، لێكۆڵینەوەش لەگەڵیان بەردەوامە.
ئاسایشی ڕاپەڕین ئەوەشی ڕاگەیاندووە، “ئاسایشی قەڵادزێ توانیویەتی دوو كەس دەستگیر بكات، تۆمەتبارن بە دزینی ماتۆڕسكیلی هاوڵاتییان و دانیان بە تاوانەكەیاندا ناوە”.
لە چالاكییەكی دیكەی ئاسایشی ڕاپەڕیندا لە زەڵێ، “بڕێكی زۆر پارەی ساختە دەستی بەسەردا گیراوە كە بڕەكەی 50 هەزار دۆلار و بڕێك پارەی عێراقیشی تێدا بووە، سێ كەسیش لەسەر ئەو ڕوداوە دەستیگركراون”.
