پێشبینیدەکرێت رۆژی هەینی هەفتەی داهاتوو مانگگیران رووبدات و لە بەشێک لە وڵاتانی جیهانیش هەستیپێدەکرێت.
بنکەی لوتکەی ئاسمانی گەردوونی لە مۆسکۆ بڵاویکردەوە، رۆژی هەینی داهاتوو کە دەکاتە 5 ی ئایار، مانگگیرانی نیمچەیی روودەدات و لە هەندێک ناوچەی گۆی زەوی هەستیپێدەکرێت.
ئاماژەی بەوەشکرد، “مانگگیرانەکە چوار کاتژمێر و 17 خولەک دەخایەنێت، لە هەندێک ناوچە مانگ زۆرینەی دیارنامێنێت، بەڵام لە هەندێک ناوچەی ئەگەر کەشوهەوا لەبار بێت دەتوانرێت ببیندرێت”.
ئاشکراشیکرد، “دانیشتووانی رووسیا و کیشوەری جەمسەری باشووری گۆی زەوی، بەشێک لە وڵاتانی ئاسیا و باشووری رۆژهەڵاتی ئەوروپا و ئوستورالیا و ئەفریقا و ناوچەکانی دەوروبەری زەریای هیندی و ئەتڵەسی دیاردەکە هەست پێدەکەن”.
