وەزارەتی تەندروستی: 198 کەسی دیکە توشی کۆرۆنا بوون

وەزارەتی تەندروستیی هەرێمی کوردستان، ئەمڕۆ شەممە 6ی ئازار ئاماری 24 کاتژمێری ڕابردووی توشبوون و گیانلەدەستدانی بە کۆرۆنا بڵاوکردەوە و بەوپێیەش 198 کەس توشی ڤایرۆسەکە بوون و سێ کەسیش گیانیانلەدەستداوە.

لە ڕاگەیەنرفاوێکدا وەزارەتی تەندروستی ڕایگەیاند، “لە هەولێر 63 کەس توشی کۆرۆنا بوون، لە سلێمانی 37 کەس، دهۆک 94 کەس و گەرمیانیش چوار کەس توشی کۆرۆنا بوون”.

ئاماژە بەوەشکراوە کە سێ کەس لە ماوەی 24 کاتژمێری ڕابردوودا لە هەرێمی کوردستان گیانیانلەدەستداوە کە دوانیان لە هەولێر و یەکێکیشیان لە دهۆک بووە.

بەپێی ئامارە گشتییەکانی وەزارەتی تەندروستیی هەرێمی کوردستان  تاوەکو ئێستا 110 هەزار و 256 کەس توشی کۆرۆنا بوون، لەو ژمارەیە  104 هەزار و 353 کەسیان چاکبوونەتەوە و سێ هەزار و  534 کەسیشیان گیانیانلەدەستداوە.

بابەتی پێشتر

ڕاگەیەندراوی نوسینگەی سیستانی و پاپای ڤاتیکان لەسەر کۆبوونەوەکەی نێوانیان

بابەتی دواتر

باوكیان چەكداری داعش بووە.. 12 منداڵی ژنانی ئێزدی گەڕێندرانەوە

بابەتی پەیوەندیدار
Total
1
Share