ئەمشەو، پێنجشەممە یانەی ئەتلەتیک بلباو یاری گەڕانەوەی قۆناغی نیوەی کۆتایی جامی شای ئیسپانیای بەرانبەر لیڤانتی ئەنجامدا و بردنەوەیەکی زەحمەتی تۆمارکرد.
لیڤانتی لە یاریگای سیوتات دی ڤالێنسیا میوانداری ئەتلەتیک بلباوی کرد و 90 خولەکی یاسایی یارییەکە بە ئەنجامی (1-1) کۆتاییهات.
گۆڵەکەی لیڤانتی لە خولەکی 17 لەلایەن ڕۆجەر مارتی، گۆڵەکەی بلباو لە خولەکی 30 لەلایەن ڕائول گارسیا تۆمارکران.
بەوپێیەی یاریی چون بە هەمان ئەنجام کۆتاییهاتبوو، بە ناچارییەوە پەنا بۆ کاتی زیادکراوبرا.
لە کاتە زیادکراوەکاندا ئالێکس بێرینگوێر لە خولەکی 112 گۆڵیدووەم و یەکلاکەرەوەی تۆمارکرد و یارییەکە بە ئەنجامی (2-1) لەبەرژەوەندی بلباو کۆتاییهات،
بەپێی ئەنجامە تۆمارکراوەکە، بلباو ململانێی قۆناغی نیوەی کۆتایی (3-2) یەکلاییکردەوە و بلیتی یاریی کۆتایی جامی شای ئیسپانیای بۆ وەرزی 2020/2021 بڕی، لە یاری کۆتاییشدا ڕوبەڕوی یانەی بەرشلۆنە دەبنەوە.
