ئەمشەو، پێنجشەممە یانەی چێڵسی یاری هەفتەی 29ی پریمەرلیگی بەرانبەر لیڤەرپوڵ ئەنجامدا و بردنەوەیەکی گرنگیان تۆمارکرد.
لیڤەرپوڵی پاڵەوانی وەرزی ڕابردوو میوانداری چێڵسی توخێلی کرد و یارییەکە بە ئەنجامی گۆڵێکی بێوەڵام لەبەرژەوەندی شین پۆشەکان کۆتاییهات.
گۆڵەکەی چێڵسی لە خولەکی 42ی تایمی یەکەم بە پێیەکانی مایسۆن ماونت تۆمارکرا.
بەپێی ئەنجامە تۆمارکراوەکە، یانەی چێڵسی لە کۆی 27 ڕوبەڕوبوونەوەی ئەم وەرزە (2020/2021) ژمارەی خاڵەکانی گەیاندە 47 و لە پلەی شەشەمی ڕیزبەندی یانەکانی پریمەرلیگەوە بۆ چوارەم سەرکەوت، لە بەرانبەردا لیڤەرپوڵ ژمارەی خاڵەکانی لە 43دا وەستایەوە و لە پلەی حەوتەمدا جێگیربوو.
