ڕێكخراوی داعش لە ئەفغانستان، بەرپرسیاریەتی كوشتنی سێ ژنە میدیاكاری لەئەستۆگرت.
سێ ژنی ئەفغانی كە لە كەناڵێكی تەلەڤیزیۆنیی وڵاتەكەیاندا كاریانكردووە، لەلایەن چەكدارانی ڕێكخراوی داعشەوە كوژران.
دوای بڵاوبوونەوەی هەواڵەكە، ڕێكخراوی داعش لە فغانستان ڕایگەیاند كە چەكدارەكانی ئەو سێ ژنەیان كوشتووە.
بەگوێرەی ئاژانسەكانی هەواڵ، ئەو سێ ژنە میدیاكارە بە دەستڕێژی گولە كوژراون و لە دوو ڕوداوی جیاوازدا لە جەلال ئاباد لە خۆرهەڵاتی ئەفغانستان و لەكاتی گەڕانەوەیان لە شوێنی كارەكانیانەوە بۆ ماڵەكانیان، هێرشیان كراوەتەسەر و كوژراون.
