وەزارەتی بەرگری تورکیا ئاشکرایکرد، بەهۆی کەوتنەخوارەوەی هێلیکۆپتەرێکی سەربازییەوە لە باکوری کوردستان 9 سەرباز گیانیان لە دەستداوە و 4 ی دیکە بریندار بوون.
بەپێی ڕاگەیەندراوێکی وەزارەتی بەرگری تورکیا، ئەمڕۆ پێنجشەممە، کاتژمێر 1:00 پاش نیوەڕۆ هێلیکۆپتەرێک کاتێک ویستوویەتی لە بنکەیەکی سەربازی چەولیگەوە بچێتە “بەدلیس” لە ڕێگەدا پەیوەندی نەماوە و کەوتووەتەخوارەوە.
بەپێی زانیارییەکانی ڕاگەیەندراوەکەی وەزارەتی بەرگری تورکیا فەرماندەیەکی سەربازی بەناوی “عوسمان ئەرباش” لەناو گیان لە دەستداواندایە.
وەزارەتی بەرگری تورکیا ئاشکرایکردووە، “ھەلیکۆپتەرەکە لە جۆری کۆوگەر Cougar و سەر بە ھێزی پیادەیە، “لە ئەنجامی کەوتنەخوارەوەی ھەلیکۆپتەرەکەمان، نۆ سەرباز گیانیان لەدەستداوە و چوار سەربازی دیکەش برینداربوون”.
بەپێی زانیارییەکانی وەزارەتی بەرگریی تورکیا کۆپتەرەکە بەهۆی ڕوداوێکەوە کەوتووەتەخوارەوە و بەهۆی بەرزی فڕینەکەیەوە 9 سەرباز گیانیان لە دەستداوە.
Bingöl’den Tatvan’a gitmek üzere saat 13.55’te kalkış yapan Kara Kuvvetlerimize ait Cougar tipi bir helikopter ile saat 14.25’te irtibat kesilmiş, helikopterdeki kahraman silah arkadaşlarımızdan 9’unun şehit olduğu, 4’ünün yaralandığı belirlenmiştir.https://t.co/JWXwGALB5a pic.twitter.com/MfCOZEYE9g
— T.C. Millî Savunma Bakanlığı (@tcsavunma) March 4, 2021
