بەڕێوبەرایەتیی پۆلیسی هەولێر ئەمڕۆ چوارشەممە 3ی ئازار ڕایگەیاند کە دەستیان بەسەر دوو بارهەڵگردا گرتووە دەرمانی خراپ و نەشیاوی پێبووە و شۆفێرەکانیش دەستگیرکراون.
لە ڕاگەیەنراوێکدا بەڕێوبەرایەتیی پۆلیسی سلێمانی ڕایگەیاند، “بەشی پۆلیسی فریاكەوتنی هەولێر، لە گەڕەكی (منارە) دەستیان بەسەر دوو ئۆتۆمبێلی جۆری (كیا – بارهەڵگر)دا گرت، كە بڕێكی زۆر دەرمانیان بێ مۆڵەت و بە شێوەیەكی نایاسایی و ناتەندروست باركردبوو”.
لە ڕاگەیەنراوەکەدا هاتووە، “هەردوو شۆفێری بارهەڵگرەکان دەسگیرکراون و لێکۆڵینەوە لێیان دەستیپێکردووە”.
سەبارەت بە ناسنامەی سۆفێرەکان پۆلیسی هەولێر دەڵێت، “هەردوو شۆفێرەکە بەناوەکانی (ب.ع.ع) و (ش.ح.س) لەگەڵ هەردوو ئۆتۆمبێلەكە ڕادەستی پۆلیسی نەهێشتنی تاوانى ناوەڕاست كراون”.
