وەزارەتی تەندروستیی هەرێمی كوردستان، ڕاگەیاندراوی ژمارە 215ی بڵاوكردەوە كە تایبەتە بە ئاماری (24) کاتژمێری ڕابردووی نەخۆشی ڤایرۆسی کۆرۆنای نوێ لە هەرێمی كوردستاندا.
وەزارەتی تەندروستی ئاشكرایكردووە كە لە شەو و ڕۆژێكدا 684 تووشبووی نوێ بە كۆرۆنا لە هەرێمی كوردستاندا تۆماركراون كە 229 كەسیان لە هەولێر، 60 تووشبوو لە سلێمانی، 30 لە گەرمیان، 337 لە دهۆك و 28 كەسیش لە هەڵەبجە تووشی كۆرۆنا بوون.
لە ڕاگەیاندراوەكەدا ژمارەی ئەوانە خراوەتەڕوو كە لە 24 كاتژمێردا كۆرۆنایان پەڕاندووە و چاكبوونەتەوە و ژمارەیان 283 كەسن و بەمشێوەیە بەسەر پارێزگا و شارەكاندا دابەشبوون:-
186كەس لە هەولێر
29 كەس لە سلێمانی
33 كەس لە گەرمیان
35 كەس لە هەڵەبجە
وەك وەزارەتی تەندروستیی هەرێمی كوردستان ئاشكرایكردووە، لە ماوەی 24 كاتژمێردا 21 تووشبووی كۆرۆنا لە هەرێمی كورستاندا گیانیان لەدەستداون كە دوو كەسیان لە هەولێر و 10 كەس لە سلێمانی و تووشبوویەك لە گەرمیان و هەشتیش لە دهۆك مردوون.
وەزارەتی تەندروستیی هەرێمی كوردستان جارێکی تر داوا دەکات هاوڵاتییان پابەندبن بە ڕێنماییەکانی تەندروستی و دوورکەوتنەوە لە شوێنی قەرەباڵغ و دانانی ماسك و دەستکێش.
