ئەمشەو حەوت ڕوبەڕوبوونەوەی گەڕانەوەی قۆناغی 32ی خولی ئەوروپی “یوروپا لیگ” ئەنجامدران، یانەکانی ئارسیناڵ و ئەیاکس ئەمستەردام سەرکەوتنیان بۆ قۆناغی 16 مسۆگەرکرد.
لە گرنگترین یاریدا، یانەی ئارسیناڵ لە یاریگای ئیماراتس میوانداری بەنفیکای پۆرتوگالی کرد و یارییەکەی بە ئەنجامی (3-2) بردەوە.
بەپێی ئەنجامی یاریی چوون و گەڕانەوە، تۆپچیەکانی لەندەن بە ئەنجامی (4-3) سەرکەوتنیان بۆ قۆناغی 16ی یوروپا لیگ مسۆگەرکرد.
https://streamable.com/86fukc
جگە لە تۆتنهام و ئارسیناڵ، یانەکانی گلاسگۆ ڕەینجەرز، ڤیاڕیاڵ، مۆڵدە، شاختار، ئەیاکس ئەمستەردام، غەڕناتە سەرکەوتنیان بۆ هەمان قۆناغ مسۆگەرکرد.
یانەی غەڕناتە لە یاریگای دیێگۆ ئارماندۆ مارادۆنا بە ئەنجامی (2-1) دۆڕاندنی بەرانبەر ناپۆلی تۆمارکرد، بەڵام بەوپێیەی لە یاریی چوون بە ئەنجامی (2-0) براوەبوون و بە کۆی ئەنجام (2-3) توانیان بلیتی قۆناغی 16 ببڕن.
ئارسیناڵ 3-2 بەنفیکا
گلاسگۆ ڕەینجەرز 5-2 ڕۆیاڵ ئانتوێرب
ڤیاڕیاڵ 2-1 ڕێدبول سالزبۆرگ
هۆفنهایم 0-2 مۆڵدە
ناپۆلی 2-1 غەڕناتە
شاختار 1-0 ماکابی تەل ئەبیب
ئەیاکس ئەمستەردام 2-1 لیل
