سەرچاوەکانی فەرەنسا ئاماژەیان بە شکستی نوێل لوگرانتی سەرۆکی فیدراسیۆنی تۆپی پێی وڵاتەکە کردووە، پێشبینی ئەوەش دەکەن لە داهاتوویەکی نزیکدا میشێل پلاتینی ئەفسانە پۆستەکە وەربگرێت.
ڕۆژنامەنووسی باوەڕپێکراوی فەرەنسی، دانیێل ڕیۆلۆ بە ئێزگەی (RMC)ی ڕاگەیاندووە، “ئیمانوێل ماکرۆنی سەرۆکی فەرەنسا نامەیەکی بۆ میشێل پلاتینیی ئەفسانە ناردووە، تێیدا ڕاوبۆچوونی وەرگرتووە دەربارەی گەڕانەوە نێو چێوەی تۆپی پێ و وەرگرتنی پۆستی سەرۆکی فیدارسیۆنی تۆپی پێی فەرەنسا.”
🇫🇷 “Emmanuel Macron a envoyé un message à Michel Platini et tâte le terrain en lui demandant si éventuellement il serait dispo.”
🗣 Daniel Riolo fait des révélations importantes dans l’After et lance le hashtag #PlatiniPrésident pic.twitter.com/fjfs1VjOh0
— After Foot RMC (@AfterRMC) January 9, 2023
بەپێی سەرچاوەکە، نوێل لوگرانت بەهۆی سووکایەتیکردنی بە زینەدین زێدان و کەریم بنزیمە، پاشان توڕەیی کیلیان مباپێ و سەرجەم ئەستێرە دێرینەکانی تۆپی پێی فەرەنسا، شکستیهێناوە و دوورخستنەوەی بابەتێکی حەتمییە.
سەرۆکی فەرەنسا بیر لەوە دەکاتەوە، ستافێکی نوێ بە سەرۆکایەتی پلاتینی بکاتە سەرتیپی تۆپی پێی وڵاتەکە بۆ یورۆی 2024 و مۆندیالی 2026.
