قاعیدە دەبێتە خاوەنی “بن لادن”ێكی نوێ بەڵام مەترسیدارتر

ئوسامە بن لادن، سەركردەی پێشووتری قاعیدە

ڕێكخراوی قاعیدە، سەركردەیەكی نوێ بۆ خۆی دەستنیشان دەكات كە بە بن لادنی نوێ ناوزەد دەكرێت.

سەیف ئەلسەئر (شمشێری تۆڵە) نازناوی سەركردە نوێیەكەی قاعیدەیە، ژەنەراڵێكی پێشووی میسرە و دەوترێت ماوەیەكە دەسەڵاتی لە ئەیمەن زەواهری سەركردەی پێشووی قاعیدە وەرگرتووە و بە فەرمی بووەتە سەركردەی ئەو ڕێكخراوە.

ڕۆژنامەی دەیلی مەیڵ چەند زانیارییەكی لەبارەی سەركردە تازەكەی قاعیدە بڵاوكردووەتەوە و دەڵێت، “بڕیارە سەیف، ڕێكخراوی قاعیدە بگەڕێنێتەوە پێگە و كاریگەرییەكەی سەردەمی بن لادن.”

ئاماژە بۆ ئەوەش دەكات، سەیف لە ئێران خۆی شاردووەتەوە و پێدەچێت لە بن لادن مەترسیدارتر بێت، بەوپێیەی سەركردەیەكی یەكەی پاراستنی بن لادن بووە لە ئەفغانستان و بەهۆی ملپێچ و جامانە ڕەشەكانییەوە بە “پاسەوانە ڕەشەكە” ناوبانگی دەركردبوو.

ڕۆژنامە بەریتانییەكە باس لەوە دەكات كە سەركردەی نوێی قاعیدە، بەنیازە پەیوەندی لەگەڵ داعش و ئێران و تاڵیبانی ئەفغانستاندا دروستبكات.

ئەوەش ئاشكراكراوە كە سەیف ئەلسەئر ماوەی 30 ساڵە لە ڕیزەكانی قاعیدەدا چالاكی هەیە و بڕی 7.5 ملیۆن پاوەند وەك خەڵات تەرخانكراوە لە بەرانبەر كوشتنیدا، چونكە ناوبراو بەرپرسە لە تەقاندنەوەی باڵیۆزخانەی ئەمریكا لە نایرۆبی و دار سەلام لە ساڵی 1998دا كە 224 كوژراوی لێكەوتەوە.

بابەتی پێشتر

وەزارەتی دارایی لەبارەی موچە نەدراوەکانەوە ڕوونکردنەوە دەدات

بابەتی دواتر

دەزگای هەواڵگری: "پڵنگەكەی بەغداد"مان دەستگیركرد

بابەتی پەیوەندیدار
Total
2
Share