جێگری وەزیری دەرەوەی ڕوسیا هۆشداریدەدات لەوەی مۆسکۆ وەڵامدانەوەی سەربازی دەبێت و چەکی ئەتۆمی و قەدەغەکراو بڵاودەکاتەوە ئەگەر هاوپەیمانیی ناتۆ کۆتایی بە هەڵوێستەکانی نەهێنێت.
ئەو لێدوانانەی بەرپرسە ڕوسەکە هاوکات لەگەڵ بەرزبوونەوەی مەترسییەکانی پێکدادانی نێوان ڕوسیا و وڵاتانی خۆرئاوا دێت، لەکاتێکدا چەند ڕۆژێک بەسەر بەڕێوەچوونی لوتکەی بایدن و پوتین تێپەڕیوە سەبارەت بە قەیرانی ئۆکرانیا و بڵاوکردنەوەی زیاتر لە 100 هەزار سەرباز لە سنوورەکانی ئۆکرانیا.
لە پەیوەندییەکی تەلەفۆنیدا بۆریس جۆنسن سەرۆک وەزیرانی بەریتانیا هۆشداریدایە مۆسکۆ ئەگەر هەر ناجێگیری و ئاڵۆزییەک لەلایەن ڕوسیاوە دروستبکرێت ڕووبەڕووی وەڵامی توند و یەکگرتووی وڵاتانی خۆرئاوا دەبێتەوە.
سێرگی ڕیباکۆڤ لەوبارەیەوە بە میدیای فەرمیی وڵاتەکەی ڕاگەیاند، “ئەگەر هاوپەیمانیی ناتۆ ئۆکرانیا پڕچەک بکات، ڕوسیا وەڵامی سەربازیی دەبێت و چەکی ئەتۆمی لەو ناوچەیە بڵاودەکاتەوە”.
