ئەمشەو، شەممە لە چوارچێوەی ڕوبەڕوبوونەوەکانی هەفتەی 24ی خولی پلە یەکی ئیسپانیا، یانەی ڕیاڵ مەدرید بردنەوەیەکی گرنگی بەرانبەر ڕیاڵ بەلەد وەلید تۆمارکرد.
ڕیاڵ مەدرید لە نیۆڤۆ جوزێ زۆرێلا بەبێ ئامادەبوونی بنزیمە و هازارد و کارڤاخال و جەندین یاریزانی دیکە بووە میوانی یانەی ڕیاڵ بەلەد وەلید، یاری نێوانیان بە بردنەوەی ئەستێرەکانی زینەدین زێدان بە ئەنجامی گۆڵێکی بێوەڵام کۆتاییهات.
گۆڵەکەی مێرەنگی لە خولەکەکانی 65ی تایمی دووەم لەلایەن کاسیمێرۆی ئەستێرەی هێڵی ناوەندی بەرازیلیەوە تۆمارکرا، کە لەم وەرزەدا دووەم گۆڵکاری پێکهاتەکە بووە لە دوای کەریم بنزیمە.
https://streamable.com/kp847n
بەپێی ئەنجامە تۆمارکراوەکە، ڕیاڵ مەدرید بە کۆکردنەوەی (52) خاڵ لە پلەی دووەمی ڕیزبەندی یانەکانی لالیگا و بە جیاوازی شەش خاڵ پێش بەرشلۆنەی ڕبارەی کەوت، لە کاتێکدا ئەتلەتیکۆ مەدریدی یەکەمی ڕیزبەندی بە جیاوازی سێ خاڵ پێش ڕیاڵ مەدرید کەوتووە.
