ئەمڕۆ، شەممە یاری کۆتایی پاڵەوانیەتی ئوسترالیای کراوە بۆ یاری تێنسی سەرزەوی لەسەر ئاستی کچان ئەنجامدرا و ناومی ئۆساکای ژاپۆنی نازناوەکەی چنییەوە.
ناومی ئۆساکا لە یاریی کۆتایی ئوسترالیای کراوە بە ئەنجامی دوو کۆمەڵەی بێوەڵام بردنەوەی بەرانبەر جێنیفەر برادی ئەمریکی بە ئەنجامی (6-4) و (63) بەدەستهێنا.
ژاپۆنیە ناودارەکەی بواری تێنسی سەرزەوی توانی لە گێمی چوارەمی کۆمەڵەی یەکەمدا “سێرڤ برەیک”ی ڕکابەرە ئەمریکیەکەی بکات، پاشان برادی بەهێزەوە گەڕایەوە و بەهەمان شێوە سێرڤی ڕکابەرەکەی شکاند لە گێمی پێنجەمدا، بەڵام جارێکی دیکە ئۆساکا توانی لە کۆتا گێمدا سێرڤی ئەمریکیەکە بشکێنێت و کۆمەڵەکە بە ئەنجامی (6-4) بباتەوە.
𝒯𝒽𝒶𝓉 𝓂𝑜𝓂𝑒𝓃𝓉.
When @naomiosaka became our 2021 Women's Singles champion 🏆#AO2021 | #AusOpen pic.twitter.com/Id3ZZhaJHh
— #AusOpen (@AustralianOpen) February 20, 2021
لە کۆمەڵەی دووەمدا ئۆساکا باشتر دەرکەوت و لەلایەن ڕکابەرەکەشیەوە کەمتر کێبڕکێی کرا، سەرەتا بە ئەنجامی سێ گێم بەرانبەر سفر پێشەنگی گرت، سەرەڕای هەوڵدانی برادی بۆ گەڕانەوە، بەڵام هەوڵەکانی بێسوود بوون و ئەو کۆمەڵەیەش بە ئەنجامی (6-3) لە بەرژەوەندی ژاپۆنیەکە کۆتاییهات.
بەپێی ئەنجامە تۆمارکراوەکە، ئۆساکا بووە پاڵەوانی ئەم وەرزەی پاڵەوانێەتی ئوسترالیای کراوە لەسەر ئاستی کچان، کە یەکێکە لە پاڵەوانێتیە گەورەکانی گراند سلام.
