سەرچاوەیەک: چیرۆکی ڕیاڵ و مباپێ بەردەوامە

سەرچاوەیەکی باوەڕپێکراو ئاماژە بە بەردەوامیی پەیوەندییەکانی نێوان لێپرسراوی کارەکانی کیلیان مباپێ و ئیدارەی یانەی ڕیاڵ مەدرید دەکات.

ماڵپەڕی “ئەتلەتیک”ی بەریتانی نووسیویەتی، “لە مەدرید نایانەوێت دەربارەی مباپێ هیچ بڵێن و سەرنجی میدیایی بخەنە سەر دانوستاندنەکان، بەڵام بە دڵنیاییەوە خەونەکە کۆتایی نەهاتووە.”

بە هەمانشێوە نوێنەرانی مباپێ ئامادە نەبوون هیچ زانیارییەک ئاشکرابکەن، باوکی و لێپرسراوی کارەکانی بێدەنگییان هەڵبژاردووە، لە هەمان کاتدا نکوڵییان لە بەردەوامیی پەیوەندییەکان نەکردووە.

⚡️

Real Madrid-Mbappé isn’t over

There has been contact since the summer and still now

All the details at @theAthleticFChttps://t.co/gxW4AEixsT

— Mario Cortegana (@MarioCortegana) January 18, 2023

سەرچاوەیەک لە ناوخۆی پاریس سان جێرمان، کە ئامادە نەبووە خۆی ئاشکرا بکات، بە “ئەتلەتیک”ی ڕاگەیاندووە، “تاکە یانە کە دەتوانێت مباپێ لە پاریس دووربخاتەوە، ڕیاڵ مەدریدە، گواستنەوەی لە مێرکاتۆی زستانە و تەنانەت مەرج نییە هاوینی 2023 ڕووبدات، بەڵام ڕوودەدات و ڕەنگە ئێمە داوای 400 ملیۆن یورۆ بکەین، یان نرخ دیاری نەکەین.”