دوو شەوی لەسەر یەكە خۆپیشاندان لە چەند شارێكی ئیسپانیا بەڕێوەدەچێت، خۆپیشاندەران داوای ئازادكردنی ڕاپەرێكی بەناوبانگ دەكەن.
بەگوێرەی هەواڵێكی سكای نیوز، دوو شەوی لەسەر یەكە هاوڵاتییان ئیسپانیا لە چەند شارێك خۆپیشاندان دەكەن و داوای ئازادكردنی پاپلۆ هاسڵ دەكەن كە ڕاپەرێكی بەناوبانگی وڵاتەكەیە.
Huge protests for liberation of #PabloHasel and clashes with the police on Puerta del Sol in #Madri #España #Spain#FreePabloHasel#LlibertatPabloHasel #LibertadPabloHasel pic.twitter.com/elucwYpqxv
— Mark Strimond (@strimond) February 17, 2021
ئەوەش خراوەتەڕوو، ڕۆژی سێشەممەی ڕابردوو، بە تۆمەتی ئەوەی لە چەند پۆستێكدا لە تویتەر هێرشی كردووەتە سەر سیستمی پاشایەتی و پۆلیس، هاسڵ دەستگیركراوە و بە نۆ مانگ زیندانیكردن سزا دراوە.
لە خۆپیشاندانەكانی ئەو وڵاتەدا، ڕوبەڕوبوونەوە لەنێوان خۆپیشاندەران و پۆلیس هەبووە و ئاڵۆزییەكان لە ئاستێكی بەرزدا بوون.
بەهۆی ئەو خۆپیشاندانانەوە پۆلیس 30 كەسی دەستگیركردووە و 20 كەسیش برینداربوون.
خۆپیشاندەران و هونەرمەندان داوای ئازادكردنی هاسڵ و گۆڕینی ئەو یاسایە دەكەن كە ڕاپەرەكەی پێ سزا دراوە.
لە ئێستادا هاسڵ بە سیمبوڵی ئازادیی ڕادەربڕین لە ئیسپانیا دادەنرێت و ڕێكخراوی لێبوردنی نێودەوڵەتیش بۆ ئەو كەیسە لەسەر هێڵە.
#BREAKING – Huge protest (now riots) in Barcelona against the imprisonment of Pablo Hasel, a rapper jailed for his lyrics against the #Spanish monarchy.#pablohasel pic.twitter.com/sOuso4Owvw
— Newsistaan (@newsistaan) February 16, 2021
