کەمپی بێرسڤی دووی ئاوارە ئیزدییەکان لە زاخۆ، ئەمڕۆ چوارشەممە 17ی شوبات ئاگری گرت و بەهۆیەوە سێ کەس گیانیان لەدەستدا کە باوکێک و دوو منداڵەکەی بوون.
لە لێدوانێکیدا بۆ تۆڕی میدیایی ئێستا، بێوار عەبدولعەزیز، وتەبێژی بەرگریی شارستانیی دهۆک وتی، “ئاگرەکە لە کاتژمێر 3:00ی بەرەبەیانی ئەمڕۆ کەوتووەتەوە و بەهۆیەوە سێ کەس گیانیان لەدەستداوە و سێ کەسی دیكەش برینداربوون”.
وتەبێژی بەرگریی شارستانیی دهۆک ڕاشیگەیاند، “ئەو سێ کەسەی لە ڕوداوەکەدا گیانیان لەدەستداوە باوکێک و کوڕ و کچێکی بوون، باوکەکە تەمەنی 31 ساڵە و کچەکەی تەمەنی 11 ساڵ و کوڕەکەش 10 ساڵ بووە”.
بەپێی ئەو زانیارییانەی بێوار عیزەت خستییەڕوو، هۆکاری ئاگرکەوتنەوەکە شۆرتێکی کارەباوە بووە و لێکۆڵینەوەکان لەسەر ڕووداوەکە دەستیپێکردووە.
