ڕۆژنامەیەكی توركی ئاشكرایكردووە، هێزە ئەمنییەكانی توركیا سەرۆكی شارەوانیی بەكیرهانیان لە پارێزگای باتمان دەستیگركردووە، لەگەڵ شەش شەندامی هەدەپە.
ڕۆژنامەی زەمەنی توركی ئەمڕۆ یەكشەممە 14ی شوبات ئاماژەی بەوەكردووە، هێزە ئەمنییەكانی توركیا لە هەڵمەتێكدا هەڵیانكوتاوەتە سەر ماڵی ئەندامان و سەركردەكانی حزبی هەدەپەی كوردی لە باتمان.
لەو هەڵمەتەی هێزە ئەمنییەكاندا، گوڵیستان سونوك، سەرۆكی شارەوانیی بەكیرهان لە پارێزگای باتمان دەستگیركراوە لەگەڵ شەش ئەندام و سەركردەی هەدەپە.
سەرۆكشارەوانییەكەی سەربە هەدەپە و سەرجەم گیراوەكان بۆ بەڕێوبەرایەتیی ئاسایشی باتمان گواستراونەتەوە، تا ئێستاش هۆكاری دەستگیركردنەكەیان ئاشكرا نەكراوە، وەك ڕۆژنامە توركییەكە ئاشكرایكردووە.
