بەهۆی دەستکاریکردنی تانکییەکی گاز لە شاری دهۆک ئاگر لە ماڵێک کەوتەوە و بەهۆیەوە دوو منداڵ سووتان.
بەڕێوەبەرایەتیی بەرگریی شارستانیی دهۆک بڵاویکردەوە، کەمێک لەمەوبەر لە سەربانی ماڵێک دوو منداڵ دەستکاری تانکییەکی گازیان کردووە و بەهۆیەوە تانکییەکە تەقیوەتەوە و ئاگر لە شوێنەکە کەوتووەتەوە.
ئاشکراشیکرد، بەهۆی رووداوەکەوە هەردوو منداڵە سووتاون، یەکەمیان رێژەی سووتاویەکەی %25 ە ئەوی دیکەشتان 90% و برینەکەی سەختە و گەیەندراونەتە نەخۆشخانە، ئاگرەکەش لەلایەن تیمەکانی بەرگریی شارستانییەوە کۆنتڕۆڵکراوە.
