بەهۆی پێکانی نێیمار دا سیلڤا و ئەنخێل دی ماریاوە، یانەی پاریس سان جێرمان بەرامبەر بەرشلۆنە لە یاریی چوونی قۆناغی 16ی خولی یانە پاڵەوانەکانی ئەوروپا دووچاری ئاستەنگی تاکتیکی دەبێت.
دی ماریا لە ڕوبەڕوبوونەوەی مارسیلیا و نێیمار لە ڕوبەڕووونەوەی کان دووچاری پێکانی ماسولکەیی هاتن، وادەی چارەسەر و حەوانەوەیان ماوەی مانگێک دەخایەنێت و لەو ماوەیەدا ناتوانن بەشداری یاری چوونی قۆناغی 16ی خولی یانە پاڵەوانەکانی ئەوروپا بکەن.
بەپێی خوێندنەوەی شارەزایانی بواری شیکاری و ڕاهێنان، ماوریسیۆ پۆچتینۆ تاقیکردنەوەیەکی گەورە ئەنجامدەدات، ئەگەر قورسترینی وەرزی 2020/2021 نەبێت.
ڕاهێنەرەکە تەنها سێ چارەسەری تاکتیکی لەبەردەمدایە، بەم شێوەیەی خوارەوە:
(4-3-3) وەک سەرەتا
لە دوو ڕوبەڕوبوونەوەی سەرەتای پۆچتینۆ لە پاریس بەبێ نێیمار ناچاربوو بە شێوە پلانی 4-3-3 یاریبکات، بە توندوتۆڵکردنەوەی ناوەندی یاریگا قەرەبووی ئامادەنەبوونی ئەستێرەکەی سیلیساوی کردەوە.
بەپێی ئەم پلانە، ماورۆ ئیکاردی و مۆیس کین هاوشانی مباپێ لە هێڵی پێشەوە بەشداریدەکەن، هەروەها یاریکردن بە گایا و دانێلۆ و هێرێرا هاوشانی ڤیراتی و پاریدێس باشترین هاوسەنگی لەنێوان بەرگریکردن و هێرشبردن دروستدەکات.
بە دووریش نازانرێت بەهۆی بەهێزی هێڵی ناوەندی بەرشلۆنەوە (دی یۆنگ و بۆسکێتس و پێدری)، پۆچتینۆ سارابیا بەگەڕبخات کە لەڕووی هێرشبەرییەوە باشترە لەوانی دیکە.
(4-2-3-1)، بەڵام کێشە
بەشێوەیەکی ئاسایی ئەم پلانە بۆ کۆکردنەوەی چوار بەرگریکارە ناودارەکە بەکاردەخرێت، لەهەمان کاتدا بەپێی پێویستی دەتوانن شێوە یاریکردنیان بۆ (4-3-3) بگۆڕن.
پۆچتینۆ لە ئەگەری بەکارهێنانی ئەم پلانەدا دەبێت ڤیراتی وەک ڕەخسێنەری گۆڵ بەکاربخات و ڕافینها لە ناوەندی یاریگا یاری پێبکات، هەروەها یاریزانە ئیتاڵیەکە ناچاری ڕاهێنان لە پێگەی ژمارە 10 بکات، کێشەی پلانەکە لەوەدایە هەریەک لە ڤیراتی و مباپێ دەبێت وزەی زیاتر بەگەڕبخەن، هەرچەندە ئەم پلانە لە پێشوودا وەک خۆی و بەڕێژەی سەرکەوتوویی لەسەدا سەد جێبەجێنەکراوە.
(4-4-2) سەرکێشی
دەکرێت پۆچتینۆ سەرکێشی بە پلانی 4-4-2وە بکات، چونکە پێشتر بەرامبەر لۆریان بەم شێوازە دۆڕاندنیان تۆمارکردووە، بەڵام لەگەڵ ئەوەشدا پلانەکە یەکێکە لە بژاردەکان.
بەپێی خشتەی 4-4-2 دراکسلەر و سارابیا بەشدارییان پێدەکرێت، بە ناچاریەوە لە گڕوتینی هێڵی هێرشبەری کەمدەکرێتەوە و تەنها مۆیس کین بەشداردەبێت لەگەڵ مباپێ، لە هێڵی ناوەندیشدا ڤیراتی وەک پچڕێنەری تۆپ یاریدەکات، بە شێوەیەکی گشتی ئەم بژاردە تاکتیکیە بۆ پۆچتینۆ قورسە و بەدوور دەزانرێت بەرامبەر یانەیەکی بەهێزی وەک ئازولگرانا جێبەجێیبکات.
