حوسییەكان فڕۆكەخانەیەكی سعودیەیان بە ئامانج گرت

چەكدارانی حوسی ئاشكرایان كردووە، ئەمڕۆ لە پەلامارێكدا فڕۆكەخانەی ئەبهای سعودییەیان بە ئامانج گرتووە.

یەحیا سەریع، وتەبێژی سەربازیی حوسییەكان لە تویتەر نوسیویەتی، “هێزە ئاسمانییەكانی سەربە حوسییەكان، نیوەڕۆی ئەمڕۆ شەممە لە هێرشێكدا ئامانجێكی لە فڕۆكەخانەی نێودەوڵەتیی ئەبهای لە سعودیە كردە ئامانج”.

ئاماژەی بەوەشكردووە، “لە وەڵامی هێرەش و ئاڵۆزییە سەربازییەكان و گەمارۆ بەردەوامەكانی سەر یەمەن ئەو هێرشە ئەنجامدراوە”.

ئەوەشی خستوەتەڕوو، “ئەو فڕۆكەیەی هێرشەكەی پێ ئەنجامدراوە لە جۆری سەماد سێ بووە، كە بە وردیی ئامانجەكانی پێكاوە”.

لای خۆشییەوە هەر ئەمڕۆ، هاوپەیمانیی عەرەبی كە سعودیە سەركردایەتی دەكات ئاشكرایكردووە، ئەو فڕۆكەخانەیە بە ئامانج گیراوە.

بابەتی پێشتر

لە عێراق قەدەغەی هاتوچۆ ڕاگەیەندرا

بابەتی دواتر

ئێستا وردەکاری فێستیڤاڵی لەچککردنی کچان لە هەڵەبجە ئاشکرا دەکات

بابەتی پەیوەندیدار
Total
5
Share