لیژنەی ئەمنی: کشانەوەی حەشدی شەعبی لە ناوچە ئازادکراوەکان کارەسات دروستدەکات

لیژنەی ئەمنی لە پەرلەمانی عێراق، ئەمڕۆ چوارشەممە 10ی شوبات ڕایگەیاند کە بوونی حەشدی شەعبی لە ناوچە ئازادکراوەکان یەکێکە لە گرنگترین هۆکارەکانی پاراستنی ئەو ناوچانە و کشاندنەوەیان کارەسات دروستدەکات.

کاتع ڕکابی، ئەندامی لیژنەی ئەمنی پەرلەمانی عێراق ڕایگەیاند،”حەشدی شەعبی هێزێکی حکومی چالاکە و لە ڕێکخستن و ئەرک و چالاکییەکانیاندا لە ناوچە ئازادکراوەکان یەکێکە لە گرنگترین هۆکارەکانی پاراستنی ئاسایشی ئەو ناوچانە”.

ڕکابی دەڵێت، “ناکرێت هێزەکانی حەشدی شەعبی لەو ناوچانە بکشێنەوە کە لەژێردەستی داعش ئازادکراون و هەربڕیارێک بۆ کشانەوەیان هەنگاوێکی دروست نییە، ئەمەش دەرفەت بۆ ئەو لایەنانە دەڕەخسێنێت کە دەیانەوێت ئاسایشی ئەو ناوچانە بشێوێنن”.

ڕاشیگەیاند، “بڵاوبوونەوەی حەشدی شەعبی لەو پارێزگا و شارانەی کە ئازادکراون کاریگەری گەورەیان لەسەر پاراستنی ئاسایشی ئەو ناوچانە”.

بابەتی پێشتر

وەزیری نەوتی عێراق: پابەندین بە ڕێككەوتنی ئۆپیك پڵەسەوە

بابەتی دواتر

شێخ جەعفەر لەسەر شەڕەكەی بازگەی تاسڵوجە ڕونكردنەوە دەدات

بابەتی پەیوەندیدار
Total
0
Share