دادگا فەرمانی دەستگیركردنی بۆ دوو كاربەدەستی هەرێم دەركرد

پێشتر وەك شایەت داواكرابوون

دادگای لێکۆڵینەوەی قۆرەتوو لەگەرمیان، فەرمانی دەستگیرکردنی بۆ بەڕێوبەری گشتی گومرکی ھەرێم و وتەبێژی دەروازەی پەروێزخان دەرکرد.

ڕادیۆی دەنگ لە گەرمیان ئەمڕۆ سێشەممە 9ی شوبات بڵاویكردەوە، دادگای لێکۆڵینەوەی قۆرەتوو وەکو شایەت داوای ئامادەبوونی لە بەڕێوبەری گشتی گومرکی ھەرێم و وتەبێژی دەروازەی پەروێزخان کرد لەو دۆسیەیەی کە بەڕێوبەری مەرزی پەروێزخان و بەڕێوبەری گومرکی گەرمیانی تێدا تۆمەتبار بوون.

دەشڵێت، “بەڵام ئەو دوو بەرپرسە ئامادەی دادگا نەبوون، بۆیە دادوەر بە مادەی 194ی گومرک ئەمڕۆ فەرمانی دەستگیرکردنی بۆ دەرکردون”.

لە 19ی كانونی دووەمی ڕابردوو دادگای بەرایی قۆرەتو فەرمانی گرتنی بۆ هەریەك لە عەلی تۆفیق، بەڕێوبەری دەروازەی نێودەوڵەتی پەروێزخان و حسێن ئەحمەد، بەڕێوبەری گومرگی گەرمیان دەركرد، هەفتەی ڕابردووش دادوەر هەردوو بەڕێوبەرەكەی راگرت “توقیف کرد” و، پاش پێنج ڕۆژ بە کەفالەت ئازاد کران.

پێشتر تۆڕی میدیایی ئێستا بڵاویكردەوە، دۆسیەكە پەیوەندی بە گەڕاندنەوەی ژمارەیەك ئۆتۆمبێلی خوار مۆدیلەوە هەیە كە بە بڕیاری وەزارەتی دارایی و بەڕێوبەری گشتی گومرگی هەرێم لەلایەن بەڕێوبەرایەتی گومرگی گەرمیانەوە ڕەوانەی ئێران كراوەتەوە بەهۆی نەبوونی مەرجە یاساییەكانەوە.

پێشتر دادگا دۆسیەیەكی لەسەر كردووەتەوە و وەك تۆمەتبار داوای بانگێشتكردنی هەردوو بەڕێوبەرەكەی گەرمیانی كردووە، دوای ئامادەنەبوونیشیان بانگێشتەكە لەلایەن دادوەرەوە گۆڕدرا بۆ دەستگیركردن.

بابەتی پێشتر

لە خۆپیشاندانەکانی واستدا خۆپیشاندەرێک کوژراو ژمارەیەکیش برینداربوون

بابەتی دواتر

بۆ ئەوەی كە چویتە تەمەنەوە بتوانیت بڕۆیت لە ئێستاوە دەستپێبكە

بابەتی پەیوەندیدار
زیاتر ببینە

بافڵ جەلال تاڵەبانی: بەرپرسیارین بەرامبەر بەهێزتركردنی قەوارەی هەرێم و دابینكردنی ژیانێكی سەقامگیر بۆ خەڵكەكەمان

سەرۆکی یەکێتیی نیشتمانیی کوردستان رایدەگەیەنێت، بەرپرسیارین بەرامبەر بەهێزتركردنی قەوارەی هەرێم و دابینكردنی ژیانێكی سەقامگیر بۆ خەڵكەكەمان و ئامانجمان…
Total
0
Share