پۆلیسی هەولێر: پیاوێک دوای مانگێک هاوسەرگیری ژنەکەی کوشت

بەڕێوبەرایەتیی پۆلیسی هەولێر، ئەمڕۆ سێشەممە 9ی شوبات ڕایگەیاند کە پیاوێکیان دەستگیرکردووە بە تۆمەتی کوشتنی ژنەکەی و ماوەی کەمتر لە مانگێکە هاوسەرگیرییان کردووە.

لە لێدوانێکدا بۆ تۆڕی میدیایی ئێستا هۆگر عەزیز، وتەبێژی بەڕێوبەرایەتیی پۆلیسی هەولێر ڕایگەیاند، “دوێنێ پیاوێک ژنەکەی خۆی کوشت کە لە بەرواری 2021/1/1 هاوسەرگیرییان کردووە و ژنەکە ناوی دنیا ئاراسە و لەدایکبووی 1996 و تەمەنی 25 ساڵ بووە”.

ئاماژەی بەوەکرد کە ئەو ژن و مێردە دوای هاوسەرگیری لە شارۆچکەی بەحرکەی هەولێر نیشتەجێبوون.

وتەبێژی پۆلیسی هەولێر وتیشی، “پیاوەکە لەدایک بووی 1989 بووە و دوای ئەنجامدانی تاوانەک هەڵهاتووە چووتە دەرەوەی هەولێر بەڵام لەلایەن پۆلیسەوە دەستگیرکراوە و ئێستا لە لێکۆڵینەوەدایە.

بابەتی پێشتر

میسان.. باوکێک سێ منداڵی خۆی كوشت

بابەتی دواتر

وەزیری ئیتڵاعات: هێزی چەكداری ئێران دەستی هەبووە لە كوشتنی زانا ئەتۆمییەكەدا

بابەتی پەیوەندیدار