لە یەكێك لە پارێزگاكانی باشووری عێراق، بۆمبێكی چێندراو بە كاروانی ئۆتۆمبێلەكانی هاوپەیمانان تەقییەوە.
سەرچاوەیەكی ئەمنی بە میدیاكانی عێراقی ڕاگەیاندووە، “ئەمڕۆ دووشەممە 8ی شوبات، لە ڕێگای خێرای پارێزگای دیوانیە بۆمبێكی چێندراو بە كاروانێكی ئۆتۆمبێل تەقییەوە كە كەلوپەلی بۆ هاوپەیمانان دەگواستەوە”.
ئەوەش خراوەتەڕوو، تا ئێستا نەزاندراوە ئەو بۆمبە چ كەس و لایەنێك دایناوە.
سەرچاوە ئەمنییەكە ئاماژەی بەوەشكردووە، ئەو بۆمبە هیچ زیانێكی گیانی بەدواوە نەبووە.
