یەكێتی پۆستی بریكاری وەزارەتێك لە حكومەتی ناوەند وەردەگرێت و بڕیاری فەرمی پێدەرچووە.
بەپێی فەرمانێكی وەزاری كە بە ژمارە (850) لە ئەمڕۆ 29ی كانونی دووەم دەرچووە و لەلایەن حیان عەبدولغەنی، جێگری سەرۆك وەزیران و وەزیری نەوتی عێراقەوە واژووكراوە، عزەت سابر ئیسماعیل وەك بریكاری وەزیری نەوت بۆ كاروباری غاز دەستنیشانكراوە.
لەدوای پێكهێنانی كابینەی نوێی حكومەتی عێراق بە سەرۆكایەتیی محەمەد شیاع سودانی، یەكێتیی نیشتمانیی كوردستان هەردوو پۆستی وەزارەتی داد و وەزارەتی ژینگەی پێدرا.
وەرگرتنی پۆستی بریكاری وەزارەتی نەوت دەبێتە سێیەم پۆستی باڵای یەكێتی لە كابینەی نوێدا.
عزەت سابر ئەندامی سەركردایەتیی یەكێتی و پسپۆڕی ئابورییە.
