ئەندامێکی ئەنجومەنی نوێنەرانی عێراق ئاشکرایدەکات، جگە لە مووچە، هێشتا شایستە داراییەكانی دیکەی هەرێمی کوردستان لە بودجەدا گەرەنتی نەكراوە.
دیلان غەفور، ئەندامی لیژنەی دارایی لە ئەنجومەنی نوێنەرانی عێراق ڕایگەیاند، لەگەڵ وەفدی باڵای حکومەتی هەرێمی کوردستان گفتوگۆمان کردووە و ئەوەی تا ئێستا گەرەنتیکراوە، تەنیا مووچەی مووچەخۆرانی هەرێمی کوردستانە.
وتیشی، پرسەکانی دیکەی پەیوەست بە بەشە بودجەی هەرێمی کوردستان هیچی گەرەنتیکراو نییە، ئەم هەفتەیە کە وەفدەکە دەچنەوە بەغداد لەگەڵ وەزارەتی دارایی عێراق و ئەنجومەنی وەزیران گفتوگۆی لەسەر دەکەن.
