بە گوێرەی ئامارێکی دادگای سلێمانی، ڕێژەی جیابوونەوە لە سلێمانی کەمیکردووە، بەڵام لە شارەکانی دیکە ڕێژەکە زیادیکردووە.
بە گوێرەی ئامارێکی دادگای سلێمانی، ڕێژەی جیابوونەوە لە سلێمانی کەمیکردووە، بەڵام لە شارەکانی دیکەی هەرێمی کوردستان زۆر زیادیکردووە، بەشێوەیەک لە سلێمانی لە ماوەی نێوان ساڵانی 2024 بۆ 2025 ڕێژەی جیابوونەوە 376 حاڵەت کەمیکردووە، واتە لە پێنج هەزار و 745 حاڵەتەوە کەمبووەتەوە بۆ پێنج هەزار و 369 حاڵەت.
لای خۆیشیەوە، موقەدەم ڕاز فریا، لێپرسراوی ڕاگەیاندنی بەڕێوەبەرایەتیی بەرەنگاربوونەوەی توندوتیژی دژی ئافرەتان ڕایگەیاند، هۆشیاربوونەوەی كۆمەڵگە و پەنابردن بۆ ڕاوێژکاری یاسایی، هۆكارە بۆ كەمبونەوەی ڕێژەی جیابوونەوە.
