وتەبێژی نەوت و کانزاکانی سلێمانی دەڵێت، ئەگەر دەست بە دابەشکردنی نەوتی ماڵان بکرێت، لە مەڵبەندی یەکەوە دەستپێناکرێت.
سەلام عومەر، وتەبێژی بەڕێوەبەرایەتیی نەوت و کانزاکانی سلێمانی ڕایگەیاند، تائێستا وادەی دەستکردن بە دابەشکردنی نەوتی سپیی ماڵان نادیارە، بەڵام ئەگەر دەست بە دابەشکردنی کرا، لەو مەڵبەندەوە دەستپێدەکرێت کە ساڵی ڕابردوو پێی گەیشتبوون؛ واتە مەڵبەندەکانی هەشت و نۆ کە هێشتا نەوتی ساڵی ڕابردووشیان وەرنەگرتووە.
وتیشی، بۆ پارێزگاکانی سلێمانی و هەڵەبجە، ئەگەر ساڵانە یەکجار و بڕی 200 لیتر نەوتی سپی دابەشبکرێت بۆ هەر ماڵێک، پێویستمان بە 110 ملیۆن لیتر نەوتە.
