وەزیری ئاوەدانكردنەوەی هەرێمی کوردستان ئاشکرایدەکات، تا 10 ساڵی دیکە ڕێگەی سەرجەم گوندەكان قیرتاو دەكرێن و ماستەرپلانی نوێی دادەنێین.
دانا عەبدولکەریم، وەزیری ئاوەدانکردنەوەی هەرێمی کوردستان ڕایگەیاند، لە هەرێمی کوردستان پێنج هەزار گوندمان هەیە و تا ئێستا نیوەیان قیرتاوکراون و نیوەی دیکەی ماوە، پلانەکە وایە تا 10 ساڵی دیکە سەرجەم ڕێگەکانی هەرێمی کوردستان بە ڕێگە گوندەکانیشەوە، قیرتاوبکرێن.
وتیشی، لە ماوەکانی ڕابردوو، ئەو ماستەرپلانەی بۆ ڕێگەکانی کوردستان داماننابوو، نوێی دەکەیننەوە و دەستکاری دەکەین.
