بافڵ جەلال تاڵەبانی بەبۆنەی ڕۆژی لەدایکبوونی قوباد تاڵەبانییەوە، پەیامێکی پیرۆزبایی ئاراستەکرد و ڕایگەیاند، خۆشحاڵم بە ئەو سەرکەوتنانەی لە ساڵانی داهاتوودا پێکەوە بەدەستیان دەهێنین.
دەقی پەیامەکەی بافڵ جەلال تاڵەبانی:
ڕۆژی لەدایکبوونت پیرۆزبێت برای ئازیز و باشترین هاوڕێم!
لە هەموو قۆناغەکانی ژیانمدا، تۆ پشتیوان، گوێگر و گەورەترین هاوپەیمانم بوویت. هەبوونی تۆ تەنیا نیعمەتێک نییە، بەڵکو ئەو لەنگەرەیە کە لە هەموو کاتە سەختەکاندا بە بەهێزی دەمهێڵێتەوە. دەوترێت جیاوازیی برا و هاوڕێی تەنگانە ئەوەیە کە هاوڕێی تەنگانە خۆت هەڵیدەبژێریت، بەڵام پێموایە من کەسێکی بەبەختم، چونکە تۆ هەم هاوڕێیت و هەم برا. من و تۆ پێکەوە تیمێکین کە نابەزێنرێت و شانازی بە مەردایەتی، سەرکردایەتی و برایەتیی تۆوە دەکەم.
لەگەڵ چوونەناو ساڵێکی دیکەی تەمەنت، هیچ گومانم لەوە نییە داهاتووت پڕە لە سەرکەوتنی گەورە، بەهێزی و دڵخۆشی.
سوپاس بۆ ئەوەی هەمیشە ڕێگەنیشاندەرمیت و بە وریایی، ڕاستگۆیی و سەنگینییەوە دەمهێڵیتەوە، وە ئەو هاوڕێ باشەیت کە هەموو کەسێک ئاواتی بۆ دەخوازێت.
خۆشحاڵم بە ڕۆژی لەدایکبوونی تۆ و هەموو ئەو سەرکەوتنانەی لەماوەی ساڵانی داهاتوودا پێکەوە بەدەستیان دەهێنین.
ڕۆژی لەدایکبوونت پیرۆز کاک قوباد
