بەڕێوەبەرایەتیی پۆلیسی ڕاپەڕین ڕایدەگەیەنێت، لە ڕانیە، لە ئەنجامی شەڕ و دەمەقاڵەی نێوان دوو برا، کچێک گیانیلەدەستدا.
بەڕێوەبەرایەتیی پۆلیسی ڕاپەڕین لە ڕاگەیەندراوێکدا بڵاویکردەوە، سەرلەئێوارەی ئەمڕۆ، 15ـی 7ـی 2026، تەرمی کچێک بە ناوی (أ، ڕ، ع) تەمەن 26 ساڵ، دانیشتووی ڕانیە/ گەڕەکی قەڵات، گەیەندرایە پزیشکی دادی ڕانیە.
ڕاشیگەیاند، بە وتەی کەسوکاری، ڕووداوەکە لە کاتێکدا ڕوویداوە هاوسەری ژنەکە لەگەڵ برایەکی خۆی شەڕ و دەمەقاڵێ لە نێوانیاندا ڕوویداوە، یەکێک لە براکان بە چەکی تاپڕ، تەقەی لە براکەی خۆی کردووە، لە ئەنجامدا ژنی براکەی بەرکەوتووە و بەوهۆیەوە ناوبراو گیانیلەدەستداوە.
ئاماژەی بەوەشکرد، تەرمی ناوبراو دوای ئەنجامدانی پشکنینی توێکاری، ڕادەستی کەسوکاری کرایەوە و فەرمانی دەستگیرکردن، بەپێی ماددەی 406 لە یاسای سزادانی عێراقی بۆ تۆمەتبار دەرچووە و لێکۆڵینەوە لە ڕووداوەکە بەردەوامە.
