سوپای ئێـ.ـران، ڕایگەیاند، پێویستە دوژمن چاوەڕوانی داخرانی ڕێگەکانی دیکەی هەناردەکردنی نەوت و گاز بێت کە خزمەت بە بەرژەوەندییەکانی ئەمریکا و هاوپەیمانەکانی دەکەن.
ئەم لێدوانە توندە ئاماژەیەکی ڕوونە بۆ ئەوەی کە ئەگەری هەیە بازنەی ململانێ و گرژییەکان تەنیا لە سنووری گەرووی هورمزدا نەمێننەوە و پەرە بستێنن بۆ ناوچە دەریایی و وشکانییەکانی دیکەی گواستنەوەی وزە لە ڕۆژهەڵاتی ناوەڕاستدا.
ئەم هەڕەشە نوێیەی ئێران لە کاتێکدایە کە لە ماوەی ڕابردوودا گرژییە سەربازییەکان لە ناوچەکەدا بەرزبوونەوەی بەرچاویان بەخۆوە بینیوە و چەندین هێرش کراونەتە سەر ژێرخانە لۆجیستییەکان، ئەمەش بووەتە هۆی دروستبوونی دڵەڕاوکێی بەردەوام لە بازاڕەکانی جیهانیی وزەدا.
