وەزارەتی تەندروستیی تورکیا ڕایگهیاند، له ڕۆژانى دووشهممه و سێشهممه، بەھۆی گەردەلوولەوە لەناوچەی مەڕمەڕە لە باکووری خۆرئاوای ئەو وڵاتە، پێنج کەس گیانیان لەدەستداوە و 63 کەسی دیکە برینداربوون.
ماوەی دوو ڕۆژە لە مەڕمەڕەی توركیا گەردەلوول هەڵیكردووە و زیانی گیانی و ماددیی داوە.
فەخرەدین كۆجا، وەزیری تەندروستیی تورکیا لە تویتێكدا ئاشكرایكردووە، لە ئەنجامی گەردەلوولهكهى ناوچەی مەڕمەڕە، پێنج کەس گیانیان لەدەستداوە و 63 کەسی دیکەش برینداربوون.
شاب ينجو في اللحظة الاخيرة من تساقط حجارة جراء عاصفة قوية وقعت بالأمس في #تركيا!pic.twitter.com/U43bBRTo36
— الاكثر مشاهدة (@TheTopVideo) November 30, 2021
گەردەلوولەکەی مهڕمهره سهرهتا له ڕۆژی دووشەممە بە خێرایی 130 کیلۆمەتر لەکاتژمێرێکدا دهستیپێكرد، كه بههۆیهوه چەندین درەخت و خانوو زیانیان پێگهیشت و منارەیەکیشی ڕووخاند.
ڕۆژى دواتریش بههۆی گهردهلوولهكهوه دەرگای خوێندگاکان لەو ناوچەیە داخران و دەوام نەكرا، گەشتە ئاسمانییەکانیش پەکیان کەوت.
تا ئێستا بەدیاریكراوی زیانە ماددییەكانی گەردەلوولەكە لەلایەن لایەنە پەیوەندیدارەكانی توركیاوە ئاشكرانەكراوە.
