پسوڵەی خۆراکی سلێمانی، ڕێنمایی ئەو خێزانانە دەکات کە منداڵی دووانەیان هەیە.
بەڕێوەبەرایەتیی ڕێکخستنی پسوڵەی خۆراکی سلێمانی، ڕایگەیاند، ئەو هاوڵاتییانە ئاگاداردەکەینەوە کە منداڵی دووانەیان هەیە و کێشەیان بۆ دروستدەبێت لەکاتی زیادکردنی منداڵەکانیان بۆ بەشەخۆراک ئەم ڕێنماییە جێبەجێبکەن:
یەکێک لە منداڵەکان داغڵبکەن و چاوەڕێبکەن تاوەکو بەشەخۆراکی ئەو منداڵەی کە داغڵتکردووە زیاددەکرێت بۆ بەشەخۆراکی خێزانەکە، دوای ئەوە ئینجا دەتوانیت منداڵی دووەم داغڵبکەیت بۆ زیادکردنی بەشەخۆراکی خێزانەکەت.
