سەرۆکایەتیی شارەوانیی سلێمانی رایدەگەیەنێت، ئەمڕۆ دەستکرا بە کڕاندنی شەقامی چوارڕیانی تانجەرۆ بۆ بازگەی سلێمانی – عەربەت بەمەبەستی قیرکردنی.
سەرۆکایەتییەکە لە راگەیەندراوێکدا بڵاویکردەوە، پاش تەواوکردنی کاری قیرکردنەوەی شەقامی رۆیشتوو لە چوارڕیانی تانجەرۆ بۆ بازگەی سلێمانی – عەربەت و لە بەردەوامیی کاری پرۆژەی نۆژەنکردنەوەی شەقامی دەروازە، ئەمڕۆ شەممە، لەلایەن تیمەکانمان لە سەرۆکایەتیی شارەوانیی سلێمانی و کۆمپانیای جێبەجێکار(کۆمپانیای بەڵێن عوسمان) دەستکرا بە کاری کڕاندنی شەقامی رۆیشتوو لە بازگەی سلێمانی – عەربەت بۆ چوارڕیانی تانجەرۆ، بەمەبەستی قیرکردنی”.
داواش لە شۆفێران دەکات، پابەندی بەکارھێنانی شەقامی جێگرەوە بن لە شوێنی کارکردن بەپێی رێنماییەکانی بەڕێوەبەرایەتیی ھاتوچۆی سلێمانی و ھاوکاری تیمەکان بن.
