عەلی زەیدی، سەرۆکوەزیرانی عێراق بە ڕۆژنامەی واشنتن پۆستی ڕاگەیاند، حکومەتەکەی لە هەوڵدایە بۆ گەڕاندنەوەی چـ.ـەک بۆ دەستی دەوڵەت و بەهێزکردنی سەروەریی یاسا، هەروەها وتیشی پێشکەوتنی بەرچاو بەدەستهاتووە لە چـ.ـەکداماڵینی زۆرێک لە گرووپە چـ.ـەکدارەکان.
زەیدی وتیشی، لە سەرەتای سوێندخواردنی وەک سەرۆکوەزیران لە مانگی ئایاردا، کاری لەپێشینەی ئەوە بووە دەوڵەتێک بنیاتبنێت کە “هەموو عێراقییەکان شانازی پێوەبکەن.”
هاوکات ئاماژەی بەوەشدا، “کۆتاییهاتنی ئەرکی هاوپەیمانان لە 30ـی ئەیلول، دەستپێکی قۆناغێکی نوێی هاوبەشیییە لەگەڵ واشنتن”، ڕاشیگەیاند، گفتوگۆکانی لەگەڵ دۆناڵد ترەمپ، سەرۆکی ئەمریکا لەبارەی وەبەرهێنان و ڕاکێشانی کۆمپانیا ئەمریکییەکانە بۆ پەرەپێدانی کەرتە جیاوازەکانی عێراق.
