بەڕێوەبەرایەتیی پۆلیسی دارستان و ژینگەی پارێزگای سلێمانی ڕایگەیاند، دوای ئەوەی 3 سێ گەشتیاری بەڕەچەڵەک عەرەب و دانیشتووی خوارووی عێراق سەردانی ناوچەی کرپچنەی ناحیەی سەنگاو دەکەن، بەهۆی نەشارەزاییان لە چیای سەگرمە ڕێگە هەڵەدەکەن و ناتوانن بگەڕێنەوە.
ئاماژەی بەوەشکرد، پاش زانینی هەواڵەکە دەستبەجێ مەفرەزەیەکی هاوبەشی بنکەی پۆلیسی دارستانی سەنگاو بە هاوبەشی لەگەڵ بەرگریی شارستانیی سەنگاو گەڕان و پشکنینیان لە چیای سەگرمە دەستپێکرد.
پۆلیسی دارستانی سلێمانی ئاماژەی بەوەشکرد، لەدوای 24 کاتژمێر گیرخواردنیان، تواندرا گەشتیارەکان بگەڕێندرێنەوە بۆ ئاوەدانی.
