بڕیارە ئەمڕۆ دانیشتنێكی دادگایی چالاكوان گۆهدار زێباری لە هەولێر بەڕێوەبچێت لە دۆسیەیەكدا كە سەرۆكی خولی پێنجەمی پەرلەمان بە “تۆمەتێكی دروستكراو” ناویدەبات.
رێواز فایەق، سەرۆكی خولی پێنجەمی پەرلەمانی كوردستان پۆستێكی لە تۆڕی ئێكس (تویتەری پێشوو) دەڵێت، “گۆهدار زێباری بە تۆمەتێكی دروستكراو دادگایی دەكرێت، هێشتاش ئومێدمان بە دادپەروەریی دادگاكەدا هەڵواسیووە”.
دەشڵێت، “هیوادارم دادگا ئێمە و هەموو ئازادیخوازان بێئومێد نەكات و لەوە زیاتر بەم شانۆگەرییە نەگریسانەی ناویان لێناوە دادگاییكردن، ناو و ناوبانگی هەرێمەكەمان كە بەرهەمی شۆڕشە بۆ ئازادیی، لەكەدار نەبێت و، لەوە زیاتر دۆستەكانمان لە كۆمەڵگەی نێودەوڵەتی لە پشتیوانیكردنی ئەزموونەكەمان ساردنەكەنەوە”.
