شارەزایەکی بواری کەشناسی رایدەگەیەنێت، ئەمڕۆ سلێمانی و دەوروبەری، سپی دەپۆشن.
پشتیوان پێنجوێنی، شارەزای بواری کەشناسی بە تۆڕی میدیایی ئێستای راگەیاند، مەودای ئێوارەی ئەمڕۆ دووشەممە بۆ بەرەبەیانی سبەینێ سێشەممە، ئاسمان زیاتر هەوراوی دەبێت، لە قەزای پێنجوێن و تەواوی گوندەکانی دەوروبەری و ناو سەنتەری شاری سلێمانی و چیای ئەزمەڕ و گۆیژە، ناوبەناو بەفر دەبارێت.
ئاماژەی بەوەشکرد، لە قەزای سەیدسادق، چەمچەماڵ و ناحیەی عەربەت، ئەگەری بەفربارین هەیە؛ شاری سلێمانی و دەوروبەری تەواو سپیپۆش دەبێت و بەفری باش دەبارێت.
