لەسەر ڕاسپارەی قائیمقامی چەمچەماڵ و بە ئامادەبوونی بەڕێوەبەری ئاوی قەزاکە و بە هاوکاریی ئاسایشی ڕۆژئاوای سلێمانی، هەڵمەتێکی ئاگادارکردنەوە ئەنجامدرا.
بەڕێوەبەرایەتیی ئاوی چەمچەماڵ ڕایگەیاند، سەرجەم ئەو کەسانەی زیادەڕۆییان کردووەتە سەر هێڵی گشتیی ئاوی (دوکان _ سلێمانی)، ئاگادارکرانەوە کە پێویستە تاوەکو ڕۆژی یەکشەممە (12/7) زیادەڕۆییەکان لاببەن.
ڕاشیگەیاند، هەر کەسێک لە وادەی دیاریکراودا زیادەڕۆییەکان لانەبات، ڕووبەڕووی سزای یاسایی توند دەبێتەوە.
