وتەبێژی بەرگریی شارستانیی هەڵەبجە لە لێدوانێکدا ئشکرایدەکات، گومان دەکرێت ئاگرەکەی سنووری گوندی زەڵم بە ئەنقەست بووبێت و مەرامی پشتەوەی کێشەیەکی کۆمەڵایەتی بووبێت.
ڕائید زانیار عومەر، وتەبێژی بەرگریی شارستانیی هەڵەبجە لە لێدوانێکدا بە تۆڕی میدیایی ئێستای ڕاگەیاند، ڕێی تێدەچێت و گومانێک هەیە کە ئاگرەکانی چەند ڕۆژی ڕابردووی گوندی زەڵم لە سنووری پارێزگای هەڵەبجە، بە ئەنقەست کرابنەوە، کۆمەڵێک بەڵگە لەبەردەستدان و گومانەکان لەسەر دوو کەسن، بەڵام جارێ ڕەوتی لێکۆڵینەوەکان بەردەوامە و هێشتا نەگەیشتووینەتە وەڵامێکی دڵنیا لەسەر گومانەکان.
ئەوەشی خستەڕوو، دەکرێت ئەگەر ئاگرەکە بە ئەنقەست بووبێت مەرامی پشتەوەی کێشەیەکی کۆمەڵایەتی پەیوەست بە باخداری و ئاژەڵداری بێت، بەڵام جارێ دڵنیا نین.
