بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، لەسەر رێگای كەلار – دەربەندیخان، بەهۆی وەرگەڕانی ئۆتۆمبێلێك لە نزیك ئاوەخێری شەش كەس برینداربوون.
لە راگەیەندراوەكەدا هاتووە، ئۆتۆمبێلیكە لە جۆری ئسوزیو isuzu بووە بە ئاراستەی قەزای دەربەندیخان ڕۆیشتووە، لە نزیك ئاوەخێری كۆنترۆڵی لەدەستداوە و وەرگەڕاوە بەهۆیەوە شۆفێرەكە و پێنج لەسەرنشینەكانی برینداربوون و گواسترانەوە بۆ نەخۆشخانەی شەهید مەلا ئەحمەد لە ناحیەی باوەنوور
ئاماژە بۆ ئەوەش كراوە، تیمەكانی هاتوچۆ لێكۆڵینەوەیان لە رووداوەكە دەستپێكردووە.
